YANOSH CEC / ՅԱՆՈՇ ՑԵՑ

Գործունեությունը` Ռազմական գործիչ

Բնակավայրը` Ռումինիա

Նույն ինքը՝ Հովհաննես Ցեցյան:

Ռազմական գործիչ, ռումինիայի բանակի գեներալ (1849):

Արգենտինայի զինվորական ակադեմիայի հիմնադիր-տնօրեն (1870-74):

Ծնվ. 08(20).01.1822թ., Գիդոֆալվա (Հորոմսեկ, այժմ՝ Ռումինիայի Կովասնա գավառում):
Մահ. 06(19).09.1904թ., Բուենոս Այրես:

Ռազմական գործիչ, ռումինիայի բանակի գեներալ (1849):

Սովորել է զինվորական ուսումնարանում, ավարտել զինվորական ակադեմիան (1842):

1848թ-ի աշնանը Հունգարական հեղափոխության առաջնորդ Լ. Կոշուտը ՅԱՆՈՇ ՑԵՑին նշանակել է զորավար Ցու. Բեմի հեղափոխական բանակի գլխավոր շտաբի պետ:

ՅԱՆՈՇ ՑԵՑը Տրանսիլվանիայում հաղթական կռիվներ է մղել ավստրիական զորաբանակի դեմ, աչքի ընկել Սիբինի (Սիբիուի) ճակատամարտում (1849-ի մարտի 11), 1849-ի մարտի 19-ին Բրաշովի մոտ հարկադրել է նահանջել ավստրիացիներին օգնության եկած ռուսական զորքերին, ապա Պիշկիի ճակատամարտում պարտության մատնել ավստրիացիներին:

Հեղափոխության պարտությունից հետո տարագրվել է Գերմանիա, հեռակա դատապարտվել մահապատժի:

Համբուրգում հրատարակել է «Բեմի արշավանքը Տրանսիլվանիայում 1848- 1849 թթ.» (գերմ., 1850) գիրքը:

1851թ-ին ՅԱՆՈՇ ՑԵՑն ընդգրկվել է Փարիզում ստեղծված հեղկոմի կազմում:

Հիսաթափվելով Նապոլեոն III-ի քաղաքականությունից՝ նա Ֆրանսիայից անցել է Իսպանիա, Պորտուգալիա, ապա՝ Իտալիա, իր կազմակերպած հունգարական լեգեոնով մարտնչել ավստրիացիների դեմ՝ Ջ. Գարիբալդիի բանակում:

1861թ-ին ՅԱՆՈՇ ՑԵՑն ընտանիքով հաստատվել է Բուենոս Այրեսում:

1865թ-ից ծառայել է արգենտինայի բանակում:

Արգենտինայի զինվորական ակադեմիայի հիմնադիր-տնօրեն (1870-74):

Գրել է «Արգենտինայի Հանրապետության ռազմական աշխարհագրություն» (1885) ձեռնարկը:
Նամակագրական կապեր է հաստատել հայագետ-պատմաբան Խ.Հ. Սոնգոտյանի հետ, աշխատակցել նրա խմբագրած «Արմենիա» հայագիտական հանդեսին:

Բուդապեշտի փողոցներից մեկը կոչվել է ՅԱՆՈՇ ՑԵՑի անունով, Բուենոս Այրեսի զինվորական ակադեմիայի բակում կանգնեցված է նրա հուշարձանը:

ՅԱՆՈՇ ՑԵՑի դիմանկարով թողարկվել են հունգարական դրոշմանիշեր: