ՅԻՍԱՅ

Գործունեությունը` Ճարտարապետ

Բնակավայրը` Հայաստան

Նույն ինքը՝ Յիսայ Հռոմկլացի:
XVդ. վերջ – XVI դ. առաջին կեսի ճարտարապետ:

Ծննդյան և մահվան թվերն անհայտ են:

Ապրել և ստեղծագործել է Հալեպում:
Անունը և կառուցումները հիշատակված են Հալեպի Ս. Քառասուն Մանկունք եկեղեցում պահվող ձեռագրերում [Հայսմավուրք, 1536, Զեյթուն (Կիլիկիա), №71 Գանձարանի ոտանավոր-հիշատակարան՝ 1500]:
Ըստ պահպանված վկայությունների՝ ՅԻՍԱՅ, 1499-ին նորոգել է Ս. Քառասուն մանկունք եկեղեցու «հնագույն սեղանը», ապա լինել խորաններ, եկեղեցու շուրջը՝ խցեր, հյուրատուն, սենյակներ, ամառանոց և այլն:
Հռչակվել է Հալեպի նշանավոր ճարտարապետ:

Գրակ.
Բարխուդարյան Ս., Միջնադարյան հայ ճարտարապետներ և քարգործ վարպետներ, Ե., 1963, էջ 107-108: