SHAHE ACHEMYAN ARMENI / ՇԱՀԵ ԱՃԵՄՅԱՆ ԱՐՄԵՆԻ

Գործունեությունը` Կրոնական գործիչ

Բնակավայրը` Հայաստան

Հղումներ` litopedia.org

ավազանի անունը` Հովհաննես

Ծնվ. 24.07.1926թ., Հալեպ:
Մահ. 13.07.2005թ., Երևան:
Ամփոփված է Էջմիածնի Ս. Գայանե վանքի գերեզմանատանը:

Արքեպիսկոպոս (1975),
հասարակական գործիչ,
բանասիրական և փիլիսոփայության դոկտոր (1951, Բրյուսել),
ՀՀ ԳԱԱ պատվավոր դոկտոր (1996),
ԳՀԽ անդամ (1975-85),
ԵՀԽ-ում Մայր Աթոռի ներկայացուցիչ (1975-86),
ԵՊՀ աստվածաբանության ֆակուլտետի հիմնադիր-ղեկան (1995-ից):

Ավարտել է Մեծի Տանն Կիլիկիո կաթողիկոսության դպրեվանքը (1947, Անթիլիաս, Լիբանան), Բրյուսելի համալսարանը (1951):

1951-60-ին եղել է կաթողիկոսարանի դիվանապետ, միաժամանակ Հայոց եկեղեցու պատմություն է դասավանդել Անթիլիասում ու Բեյրութի կրթարաններում:

1965-ին ձեռնադրվել է եպիսկոպոս,

1960-94-ին՝ Երուսաղեմի հայոց պատրիարքության դիվանապետ և Կալվածոց տեսուչ, լուծել է վանքապատկան հողերի ու կալվածքների իրավակարգի խնդիրը Իսրայելում:

Հին Երուսաղեմի պարսպից ներս՝ հայկական թաղամասում, կառուցել է 32 բնակարանով շենք և տրամադրել հայ չքավոր ընտանիքներին, Ս. Հակոբյանց վանքի (աթոռանիստ) դիմաց Ալեք և Մարի Մանուկյան ժառանգավորաց վարժարանի ու ընծայարանի եռահարկ շենքը՝ կից սրահով, այլ շինություններ:

1978-94-ին՝ «Սիոն» ամսագրի խմբագիր:

1994-ից հաստատվել է Հայաստանում:

Հրատարակության է պատրաստել «Գիրք Սաղմոսաց Դաւթի» (1982), «Ցուցակ Աստուածաշունչ Մատեանի հայերէն ձեռագիրներուն»(1992), «Հաւատոյ հանգանակ. Դաւանանք Հայ եկեղեցւոյ» (2001) գրքերը:

ԵՊՀ աստվածաբանության ֆակուլտետին է նվիրել իր գրադարանը, հիմնել իր անունը կրող մասնագիտացված գրադարան:

ՇԱՀԵ ԱՃԵՄՅԱՆի նախաձեռնությամբ 2001-ին հիմնվել են «Աճեմյան մատենաշարը» և աստվածաբանության ասպիրանտական ուսումնառությունը:

Գրականություն
Բարխուդարյան Վ., Վարդանյան Ռ., Կարախանյան Գ., Շահե Արքեպիսկոպոս Աճեմյան. Կյանքը և գործը, Ե., 2001: