ՊԱՊԻԿ ԵՆԻՏՈՒՆՅԱՆ (ՆՈՐԱՇ-ԽԱՐՀՅԱՆ) ՄՈՎՍԵՍԻ

Գործունեությունը` Ազգային-ազատագրական շարժման գործիչ

Բնակավայրը` Հայաստան

Նույն ինքը՝ Զեյթունցի Պապիկ իշխան, Պապիկ փաշա:
Հայ ազգային-ազատագրական շարժման գործիչ:

Ծնվ. 1846թ., Զեյթուն (Լեռնային Կիլիկիայում):
Մահ. 1886թ.:

Զեյթունի իշխանական տոհմից:

Վաղ հասակից մասնակցել է թուրքական բռնակալության դեմ ազատագրական կռիվներին: 1870-ականներին ղեկավարել է Զեյթունի ապստամբությունը, բազմիցս հաղթել թշնամուն:

1877-78-ի ռուս-թուրքական պատերազմից հետո թուրքական կառավարությունը մեծ ուժեր է ուղարկել զեյթունցիների դեմ, որոնք ՊԱՊԻԿ ԵՆԻՏՈՒՆՅԱՆի գլխավորությամբ շուրջ երկու տարի հետ են մղել հարձակումները:

Ի վերջո թուրքական կառավարությունը բանակցություններ է վարել ՊԱՊԻԿ ԵՆԻՏՈՒՆՅԱՆի հետ:

Փոխզիջումային պայմանագրով ՊԱՊԻԿ ԵՆԻՏՈՒՆՅԱՆը ճանաչվել է Զեյթունի քաղաքագլուխ, Զեյթունը պահպանել է իր կիսանկախ գոյությունը, իսկ թուրքերն իրավունք են ստացել զորանոց կառուցել քաղաքի մոտ:

Մահացել է՝ թունավորվելով թուրքերի կողմից: