ՌՈԲԵՐՏ (Ռոպեր) ՃԵՊԵՃՅԱՆ ԱՎԵՏԻՍԻ

Գործունեությունը` Բժիշկ

Բնակավայրը` Սիրիա

Ակնաբույժ, հասարակական գործիչ, հրատարակիչ:

Ծնվ. 02(15).08.1909թ., Այնթապ:
Մահ. 2000թ., Հալեպ:

Բժշկ. գիտ. թեկնածու (1970, Երևան):

Ավարտել է Բեյրութի ամերիկյան համալսարանի բժշկական ֆակուլտետը (1934):

1948-ին Հալեպում հիմնել է Ճեպեճյան ակնաբուժարանը (1971-ից՝ Մերձավոր Արևելքի աչքի հիվանդությունների գիտ. կենտրոն):

1939-ին Սիրիայի հս. շրջաններում առաջինն է ուսումնասիրել տրախոման, մշակել բուժման եղանակ:

1947-ին կատարել է աչքի եղջերապատվաստման վիրահատություն:

1948-ին հիմնել է Աչազրկության կանխարգելման սիրիական ընկերությունը, որի նախաձեռնությամբ
1955-ին Հալեպում բացվել է կույրերի առաջին դպրոցը:

1955-ին Զարեհ Գաբլանի հետ հիմնել է «Մարտիրոս Սարյան» նկարչական ակադեմիան:

Ճեպեճյանի նախաձեռնությամբ ՀՀ են տեղափոխվել նկարիչներ Արմիսի և Ժ. Օրագյանի որոշ գործիր, բազմաթիվ ձեռագրեր, հնատիպ գրքեր, հայկական ժանյակների հավաքածու ևն:

1968-70-ին ղեկավարել է ՀԲԸՄ Սիրիայի մասնաճյուղը,

1968-ին ստեղծել ՀԲԸՄ «Մատենագիտական հանձնախումբ»:

Հրատարակել է ցեղասպանությանը և փախստականներին նվիրված նյութեր, ալբոմներ:

Զբաղվում է նաև նկարչությամբ, ունեցել է մի շարք ցուցահանդեսներ:

Ֆրանսիայի (1948-ից), Սիրիայի (1965-ից, 1975-77-ին՝ նախագահ) ակնաբուժական ընկերությունների անդամ,
ՀԽՍՀ ակնաբույժների ընկերության պատվավոր անդամ (1979-ից),

ԱՀԿ Սիրիայի ներկայացուցիչ (1956-ից):

ՀՀ ԳԱԱ Մեսրոպ Մաշտոցի հուշամեդալ:

Երկեր
Ինքնակենսագրութիւն, յուշեր եւ գործունեութիւններ, Հալեպ, 1999: