ՍԱՐԳԻՍ ԽԱՉԱՏՈՒՐՅԱՆ ԿԱՐԱՊԵՏԻ

Գործունեությունը` Նկարիչ

Բնակավայրը` Հայաստան

Հղումներ` hy.wikipedia.org

Նկարիչ:

Ծնվ. 09.08.1886թ., Մալաթիա:
Մահ. 04.03.1947թ., Փարիզ (28.12.1977-ին աճյունը վերաթաղվել է Երևանում):

Ավարտել է Կարինի Սանասարյան վարժարանը (1908),
Հռոմի գեղարվեստի ակադեմիայի (1911), սովորել Փարիզի Դեկորատիվ արվեստների դպրոցում (1912-14):
1915-ին անցել է Անդրկովկաս,
1917-ից անդամակցել Թիֆլիսի Հայ արվեստագետների միությանը:
1920-ական թթ. ստեղծել է Հայաստանի առաջին փոստանիշերը, նաև «Արարատը Երևանից», «Հայ որբերն անապատում» (ՀԱՊ), «Հայ գաղթականներ», «Վարագա վանքի տոնը» գործերը և դիմանկարներ («Վավան սեղանի մոտ» ևն):

1931-ին Իրանի կառավարության հրավերով մեկնել է Սպահան՝ վերականգնելու Սեֆյան շրջանի որմնանկարները,
1934-ին հիմնադրել է Նոր Ջուղայի հայկական արվեստի թանգարանը,
1937-ին առաջինը ձեռնամուխ եղել Հնդկաստանի և Ցեյլոնի VI-VII դդ. վիմափոր տաճարների որմնանկարների պատճենահանմանը (1942-ին պատճենները ցուցադրվել են Լուվրում և ԱՄՆ-ի տարբեր քաղաքներում, 1971-ին 37 պատճեններ՝ Երևանում, որոնք ՍԱՐԳԻՍ ԽԱՉԱՏՈՒՐՅԱՆի այրին՝ Վ. Խաչատուրյանը, նվիրել է ՀԱՊ-ին):

Անհատական ցուցահանդեսներ՝ Կ. Պոլսում, Փարիզում, աշխարհի այլ քաղաքներում:
Իտալ. ինտերնացիոնալ արվեստագետների ընկերության և Վիեննայի գեղարվեստագետների միության անդամ, «Անի» հայ արվեստագետների ընկերության հիմնադիրներից և քարտուղարը:

1924-ին Վիեննայում հրատարակել է «Արմենիա» ալբոմը (հայ գաղթականներին նվիրված պատկերների ընտրանի):

Գրակ.
Շիշմանյան Ռ., Բնանկարն ու հայ նկարիչները, Ե., 1958;
Olan D. , Indian Murols and Sarkis Katchadorian, N. Y., 1942.