ՎԱԼԵՐԻԱՆ (ՌՈՍՏՈՄ) ՄԱԴԱԹՈՎ (ՄԱԴԱԹՅԱՆ) ԳՐԻԳՈՐԻ

Գործունեությունը` Զինվորական գործիչ

Բնակավայրը` Ռուսաստանի Դաշնություն

Հղումներ` hy.wikipedia.org

Ռուսական բանակի գեներալ-լեյտենանտ (1826):

Ծնվ. 1782թ., գ. Ավետարանոց (այժմ՝ ԼՂՀ Ասկերանի շրջանում):
Մահ. 04.11.1829թ., Շումլա (Բուլղարիա), հետագայում աճյունն ամփոփվել է Ս. Պետերբուրգի Ալեքսանդր Նևսկի վանքի բակում:

Մասնակցել է 1806-12-ի ռուս-թուրքական պատերազմին, աչքի ընկել Բատինի ճակատամարտում (1810):
1812-ի ֆրանս-ռուսական պատերազմի ժամանակ եղել է հեծյալ ջոկատների հրամանատար:
Լայպցիգի («ժողովուրդների») ճակատամարտում (1813-ի հոկտեմբերի 16-19), որտեղ ծանր վիրավորվել է, ստացել է գեներալ-մայորի կոչում:
1816-ին նշանակվել է Ղարաբաղում տեղակայված ռուսական զորքերի հրամանատար, իսկ 1817-ից՝ Ղարաբաղի, Շիրվանի և Շաքիի խանությունների օկրուգային պետ:
Մասնակցել է Դաղստանի լեռնականների դեմ մղված կռիվներին և 1826-28-ի ռուս-պարսկական պատերազմին:
ՎԱԼԵՐԻԱՆ ՄԱԴԱԹՈՎ ի գլխավորած ջոկատը (2 հազար զինվոր) 1826-ի սեպտեմբերի 3-ին Շամխորի մոտ փայլուն հաղթանակ է տարել պարսկական 10 հազարանոց բանակի նկատմամբ և մասնակցել (սեպտեմբերի 13) Ելիզավետպոլի (այժմ՝ Գյանջա) ճակատամարտին:
Նրա զորքերը 1826թ-ի աշնանը Ղարաբաղը լիովին մաքրել են պարսկական նվաճողներից:
1828-29-ի ռուս-թուրքական պատերազմի ժամանակ կռվել է Դանուբյան ճակատում, փայլուն հաղթանակ է տարել բուլղարական Շուլմա բերդի մոտ, գրավել է հսկաչեյ և Գիրսով ամրոցները:
Գրակ.
Կեանք գեներալ-լեյտենանտ կնեազ Մատաթովին, 2 հրտ., Շուշի, 1870:
Թերզիբաշյան Վ., Գեներալ-մայոր Վ. Մադաթով, Ե., 1942: