Անդրե Սիմոնյան

Հարգելի այցելուներ

Ավարտեցինք Անդրեիի հետ հարցազրույցի նկարահանումները:)

Անդրեն պահեց իրեն իսկական ռոք-աստղի պես` բարձր արժանապատվությամբ և մեծահոգությամբ:
Հարցազրույցը սպասվածից էլ ավելի հետաքրքիր ստացվեց, ինչի պատճառով էլ նախատեսված ժամանակից ավելի երկար տևեց:
Մենք որոշեցինք հարցազրույցը չկրճատել, այլ ներկայացնել 2 մասով:
Հարցազրույցի առաջին մասի ձայնագրությունը կտեղադրենք կայքում վաղը` 04.09.11 երեկոյան, 18:00-ից հետո, իսկ 2-րդ մասը` երեք օր անց:

Ցավոք սրտի այս անգամ չհաջողվեց խուսափել որոշ տեխնիկական խոտաններից, սակայն ձայնագրության ոգին լիարժեք փոխանցում է մեր զգացումները:

Շնորհակալություն բոլոր նրանց, ում հարցերի շնորհիվ և ում համար նկարահանվեց այս հաղորդումը:

_______________________
Anunner.com-ի հյուրն է The Beautified Project ռոք-համույթի հիմնադիր և խմբավար
Անդրե Սիմոնյանը:

Անդրեն սիրով համաձայնել է պատասխանել իր երկրպագուների հարցերին:
Բաց մի թողեք Ձեր սիրելի աստղին անձամբ հարց տալու հնարավորությունը:

Հարցազրույցի տեսաձայնագրությունը կկայանա ս.թ. սեպտեմբերի 3-ին և կտեղադրվի կայքում հաջորդ օրը` 40 րոպե կենդանի զրույց` Ձեր սիրելի ռոք-աստղի հետ:

Լավագույն բարեմաղթանքներով
www.anunner.com

Անդրե Սիմոնյանի կենսագրությունը

- - - -

Տպավորություններ Անդրեի հետ հարցազրույցից

Առաջին անգամ Անդրեի մասին ինձ պատմեց եղբայրս` Սերժ Մելքոնյանը, որը the Beatified Project-ի ձայնագրման պրոդյուսերն է: Սերժը տպավորված էր Անդրեի մարդկային որակներից և անվերջ նկարագրում էր նրա նվիրվածությունն ու սերը սեփական գործի հանդեպ:
Հաջորդ օրը ես ինքս էլ հնարավորություն ունեցա Սերժի խոսքերում համոզվելու. "Վիբրոգրաֆուս" ստուդիայում` ձայնագրությունների ժամանակ ես ծանոթացա Անդրեի հետ: Դրան հետևեց երկար զբոսանքը երեկոյան Երևանով և ընկերական զրույցը:

Այդուհետ տարբեր առիթներով մենք հանդիպել ենք իրար և մշտապես Անդրեն նույնն էր` բարի, անմիջական, անկեղծ, աշխույժ, ժպտերես, համեստ ու հարգալից:

Երբ Անդրեին խնդրեցի հարցազրույց տալ Անուննե.քոմ-ի համար, նա համաձայնեց առանց ավելորդ ձևականությունների, ինչն այլ "աստղեր" հորջորջվողների պարագայում կարող էր միայն քմծիծաղ առաջացնել նրանց մոտ(առանց անուններ նշելու ասեմ, որ մեր հաղորդման դեռևս շատ կարճ կյանքի ընթացքում նմանատիպ դեպքեր արդեն իսկ գրանցվել են):

Հարցազրույցի ժամանակ Անդրեն ինձ համար բացահայտվեց, որպես գրագետ, պարտաճանաչ, սեփական` քաղաքացիական դիրքորոշումն ունեցող, իր երկրի համար սրտացավ Մարդ: Ես հասկացա, որ Անդրեն գիտի և գնահատում է խոսքի արժեքը և երբեք այն քամուն չի տա: Մի բան, որ ես շատ կցանկանայի մեր քաղաքական այրերին, շոու բիզնես կոչվածի կառկառուն ներկայացուցիչներին և բոլոր նրանց ովքեր պատասխանատու են մեր հայրենիքի առջև:

Անդրեի հետ հարցազրույցն ինձ համար իսկական հայտնություն էր, որովհետև այժմ ես(և հույս ունեմ նաև դուք` հաղորդումը դիտողներդ) տեսնում եմ նրան ոչ միայն որպես երիտասարդ և փայլուն ապագա ունեցող ռոք-աստղ, որպեսզին ինքն անձամբ իրեն չի համարում, որովհետև բավականաչափ դաստիարակություն և ակնածանք ունի հայ մեծանուն արվեստագետների հանդեպ, այլև որպես իր ծնողների և հայրենիքի արժանի զավակ, ով կարող է խոսել համամարդկային արժեքներից և բևեռել դրանք հայ իրականությանը, ասելով, որ. "Մի մարդ, որ ունի հայր և մայր չի կարող լինել դաժան և կոպիտ", ում համար. "Հայ լինելը` բոնուս է", ով գիտի, որ. "Հայերը շատ խելացի ազգ են և մենք շատ զգույշ և ուշադիր պետք է կառուցենք մեր երկիրը", ով մտահոգվում է Հայաստանի քաղաքացիների առողջության համար և երգում Կարմիր խաչի բարեգործական համերգներին, քանի որ. "Տուրիզմը շատ կարևոր է Հայաստանի համար, սակայն տուրիստը կարող է լիքը փող բերել իր հետ և լիքը վիրուս", ով նեղանում է, փողոցում մուրացիկ տատիկ-պապիկներ տեսնելիս, ով զգացել է ցեղասպանության ոգին Արշիլ Գորկու կտավներում...

Ցանկանում եմ ևս մեկ անգամ շնորհակալություն հայտնել Անդրեին, որ թույլ տվեց իրեն ավելի լավ ճանաչել ու հասկանալ նրա էությունը: Նա արժանի օրինակ է մեր երիտասարդների համար:

Որպես վեջաբան ցանկանում եմ մեջբերել հարցազրույցից Անդրեի արտահայտաց մտքերից հատկապես մեկը, որը խորապես ցնցեց ինձ իր իմաստասիրական նշանակությամբ:

Խնդրում եմ Դուք էլ ուշադիր գտնվեք և տարածեք այս միտքը ձեր ընկերների մեջ, համացանցում, դպրոցում, բակում, եղբայրների և քույրերի հետ շփվելիս, և հնարավոր է, որ մեր, գոնե մշակութային կյանքում, մի բան կփոխվի դեպի լավը:

"Ներկայումս մեր մշակույթը գնում է ոչ թե դեպի Եվրոպա, այլ դեպի այն երկրները, որ ժամանակին ձգտել են ոչնչացնել այդ նույն` հայկական մշակույթը":
Անդրե Սիմոնյան:

by Vahagn-Edgar Navasardyan on Thursday, September 8, 2011 at 12:15am, Yerevan, RA.

ՀԱՐՑԱԶՐՈՒՅՑԻ ՏԵՍԱԳՐՈՒԹՅՈՒՆԸ

Մաս 1

Եթե չեք տեսնում վիդեոն` սեղմեք այստեղ

Մաս 2

Եթե չեք տեսնում վիդեոն` սեղմեք այստեղ